ዘርፉን ለማጠናከር በተሰሩ ዘርፈብዙ ስራዎች በርካታ ውጤቶች ተመዝግበዋል፡፡  በግብርናነክ ፣ ግብርናነክ ያልሆኑ፣ የሸማቾች፣ በገንዘብ ቁጠባና ብድር 9532 እንዲሁም በመኖሪያ ቤት ከ20389 መሰረታዊ ኀብረት ስራ ማህበራት ፣ 76 ዩኒዬኖችና 1  የኀብረት ስራ ማህበራት የገንዘብ ቁጠባና ብድር ፌደሬሽን በተለያዩ ዘርፎች ተደራጅተው ባለፉት ዓመታት ኅብረት ሥራ ማህበራት የግብርና ግብዓቶችና ቴክኖሎጂዎች በማቅረብ፣ ለአርሶና አርብቶ አደሩ ምርቶች የገበያ ትስሰር በመፍጠር፣ በከተሞች የሚታየውን የምርትና ሸቀጥ የዋጋ ውድነት በማቃለል፣ አግሮፕሮሰሲንግ በማቋቋም፣ የቁጠባ ባህል በማሳደግና የስራ እድል በመፍጠር ለአባሎቻቸው ዘርፈ ብዙ አገልግሎቶችን በመስጠት ላይ ይገኛሉ፡፡

ከግብርና ወደ ኢንዱስትሪ መዋቅራ ዊሽግግር ለማድረግ በክልል ከሚገኙ 20 የሚሆኑ ዩኒያኖች እና 3 መሰረታዊ ማህበራት በዱቄት፣ በመኖ ማቀነባበር፣ በዘይት መጭመቅ፣ በማር ማቀነባበርና ማጣራት፣ በምጥን ማዳበሪያ ማቀነባበር፣ በወተት ማቀነባበር፣ በሳሙና ማምረት እና የግብዓት መያዣና የምንጣፍ ማምረት ተግባር የተሰማሩ ሲሆን በአብዛኛዉ በወተት ልማትና ግብይትና ማቀነባበር የተሰማሩትን ጨምሮ ደግሞ ከ178 በላይ መሰረታዊ የኅብረት ስራ ማኅበራት በተለያዩ አነስተኛ አግሮፕሮሰሲንግ ዘርፍ ተሰማርተዉ የአባሎቻቸዉን ምርት በመረከብና እሴት በመጨመር አርሶአደሩ የድካሙ ቀጥተኛና ፍትሃዊ ተጠቃሚ እንዲሆን ጥረት እያደረጉ ይገኛሉ፡፡የግብርናውንክፍለኢኮኖሚበማዘመንምርትናምርታመናትንለማሳድግበሚፈፀሙተግባራትዩኒያኖችእናበመሰረታዊህብረትስራማህበራትትራክተሮች  ፣ኮምባይነሮች፣ እና አነስተኛ የስንዴ መውቂያ ትሬሸሮችን በመግዛት ወደ ስራ በማስገባት አርሶ አደሩን ተጠቃሚ በማድረግ ላይ ይገኛሉ፡፡

የኅብረት ሥራ ማኅበራቱን በአገራችን ማደራጀት ከተጀመረ ከ60 ዓመታት በላይ ያስቆጠረ ቢሆንም አባላትን ተጠቃሚነት በማረጋገጥ ለአገራዊ እድገቱ ያደረጉት ኢኮኖሚያዊና ማኅበራዊ እድገት አስተዋፅኦ እንደተጠበቀ ሆኖ ከተቋማቱ የሚጠበቀውን ያህል ነው ብሎ መናገር አያስደፍንም፡፡ወቅቱ የሚጠይቀውን የአሰራር፣ የአመራር፣ የአገልግሎት አሰጣጥ እንዲሁም የቴክኖሎጂ አጠቃቀምን ዘመናዊነትን ተላብሶ የአባላትን ኢኮኖሚያዊና ማኅበራዊ ጥያቄዎች ከመመለስ አኳያ አሁንም ችግር እንደሆነባቸው ይታያል፡፡የዚህ ችግር መሰረታዊ መንስኤዎች በርካታ ቢሆኑም የኅብረት ስራ ማኅበራቱን ከማቋቋም ጀምሮ በየደረጃዉ ተገቢ ድጋፍ እያደረጉ እንዲጠናከሩ ከማድረግ ዘመኑን የዋጀ አሰራርና አመራር እንዲከተሉ ያሉባቸውን ክፍተቶች በመለየት ለክፍተቱ የሚመጥን መፍትሔ እያስቀመጡና እየተገበሩ አለመሄድ ዋነኛው ችግር ነው፡፡

ሪፎርሙን አጠናክሮ ለማስቀጠል ከፊታችን በርካታ የቤት ስራዎች እንደሚጠብቁን መረዳት ያስፈልጋል፡፡ወቅቱ በሚጠይቀው ልክ የኅብረት ስራ ማኅበራትን የማዘመንና ሪፎርም የማድረግ ስራ ለነገ የማይባልና የማይታለፍ ወሳኝ ተግባር ነው፡፡እንደ ኀብረታችን ወንድማማችነታችን፣ ትስስራችን፣ አብሮነታችን፣ አንድነታችንና አቃፊነታችን የመላው ኀብረት ስራ ማህበራት አባላትና ቤተሰቦቻቸውን ሁለንተናዊ የዕድገት ጉዛችን እውን ለማድረግ ብዙሁነን እንደ አንድ፤ አንድሁነን እንደ ብዙ ለሪፎርሙ እናሁለንተና ዊስራዎቻችን በጋራ መቆም ውጤታማ እንዲሆን ለማስቻል በሚሰሩ ስራዎች የክልላችን ህዝብና መንግስት እንዲሁም ባለድርሻ እና አጋር አካላት የተለመደ ድጋፋቸውን አጠናክረው እንዲቀጥሉ በዚህ አጋጣሚ ጥሪየን አስተላልፋለሁ፡፡ 

ኀብረት ስራ ማህበራት ከማደራጀት ባሻገር!